டிஜிட்டல் மோடி……….

10 9 8 7 6 5 4 3 2 1….
.
தொண்டாமுத்தூர் டவர் ஏரியா:
.
PSLV – 19 இல் இருந்து ஒரு அழைப்பு….
.
Calling from PSLV – 19….
Calling from PSLV – 19….
.
டிரிங்… டிரிங்… டிரிங்…
.
கோவணத்தில் சொருகியிருக்கும் செல்போனை
எடுத்துப் பேசுகிறார் ஏரோட்டிக் கொண்டிருக்கும் மாடசாமி:

யாருங்க அது?

“யோவ் நாங்க பிஎஸ்எல்வி 19 மூலமா பேசறோம்… ”

யாரு பெருமாள் பொண்டாட்டியா…?

“ச்சே.. யோவ் யோவ் நாங்க பிஎஸ்எல்வி 19 செயற்கைக்கோள்
வழிகாட்டுதலின்படி இஸ்ரோவுல இருந்து பேசறோம்… ”

என்னாது மைசூர்ல இருந்து பேசறீங்களா?

“கிழிஞ்சுதுபோ…. யாருங்குறது கெடக்கட்டும்….
என்னய்யா பண்ணிகிட்டு இருக்கே?”

ஏரோட்டிகிட்டு இருக்கறணுங்க…..

“இதென்ன மாசம்?”

ஏன் அத உங்ககிட்ட இருக்குற
அந்தக் கோலோ….கோளோ…
சொல்லுலீங்களா உங்குளுக்கு…?

”எந்த எகத்தாளம் எல்லாம் வேண்டாம்
கேட்டதுக்கு பதிலச் சொல்லு…”

அய்யோ எசமான்… ஆடீ…ங்க….

”ஆடீல எவனாவது வெதை வெதைப்பானாய்யா முண்டம்?”

ஆடீல வெதைக்காம அப்பறம் எப்பங்க வெதைக்கறது…

”அதெல்லாம் அந்தக் காலம்…
எங்க சாட்டிலைட் சொல்றது தப்பாவாயா இருக்கும்?”

அப்புடீன்னாங்க….?

“கோள்யா…கோள்….”

என்ன கர்மமோ…. சரி சொல்லுங்க…

”இனிமே நீங்க எல்லாம்…
தைல வெதை வெதைச்சு
ஆடிலதான் அறுவடை பண்ணனும்.. ”

அய்யய்யோ ஏஞ்சாமி இந்த சோதனை….

”விவசாயம்ன்னா என்னான்னு
தெரியுமாயா உங்குளுக்கு?
இப்புடியெல்லாம் குறுக்கால பேசுன…
அப்புறம் நீயும் ஒரு பாகிஸ்தான் ஏஜண்ட்ன்னு
பொளந்து கட்டீருவோம் புரியுதா….

மாடசாமி….!
இதெல்லாம் இஸ்ரோ மூலமா வர்ற தகவல்.
கேரண்டியா தப்பாகாது நோட் இட்…
அதுவும் பி எஸ் எல் வி மூலம்….
எடுத்த டேட்டாஸ்…”

எது புரிஞ்சாலும்…புரியாட்டியும்….
நீங்க மூலம்…. மூலம்…ன்னு
சொல்றது மட்டும் புரியுதுங்க…
உங்க பேச்சைக் கேட்டுட்டு
ஏரப் புடிச்சமுன்ணா
சத்தியமா நாங்க நிர்மூலம்தானுங்க…

(எரிச்சலுடன் சேற்றுக்குள் செல்போனைக்
கடாசுகிறார் மாடசாமி)

(”உங்கள் நாடு ஏழையாக இருக்கிறது.
நீங்கள் ஏன் செயற்கைக் கோள்களை
விண்ணில் செலுத்துகிறீர்கள்
என்று சிலர் என்னிடம் கேட்கிறார்கள்.
இந்தக் கேள்வியே தவறு என்பதை
நாம் நிரூபித்து இருக்கிறோம்.
இந்த செயற்கைக் கோள்களால்தான்
எங்களது விவசாயிகள் துல்லியமான
பருவநிலையை அறிந்து கொள்கிறார்கள்.”
– டிஜிட்டல் மோடி.)
.

.
(டீ ஆத்துற ஆளையெல்லாம் விவசாயத்தைப்பத்தி
பேச உட்டா இதுதான் கதி.)

ஆத்திகர்களுக்கும் அவர்தான்………

தமிழக அரசியல் இதழில் பதில் சொல்லும் ”சீனியர்”
உண்மையிலேயே சீனியர்தான் என்பதை நிரூபித்துக் காட்டி விட்டார்.
அவர் வெறுமனே பதில் அளிப்பதில் மட்டுமல்ல,
வயதிலும் அனுபவத்திலும் சீனியர்தான் என்பதை
ஒரே ஒரு பதிலில் உணர்த்திவிட்டார்.

போன வாரம் “தமிழகத்தில் பெரியார் பிறந்திருக்காவிட்டால்….?”
என்கிற கேள்விக்கு
“ஆத்திகம் இந்த அளவிற்கு வளர்ந்திருக்காது.”
என்று பதிலளித்ததைக் கண்டு
மெய்சிலிர்த்துப் போனேன்.

கடந்த தலைமுறையில் நடந்த பல சமாச்சாரங்கள்
இன்றைய தலைமுறையினருக்குத் தெரியவில்லையே
என்கிற ஆதங்கத்தை அவர் “நாசூக்காக”
வெளிப்படுத்திய விதம் என்னை மிகவும் கவர்ந்தது.

நேற்று சிறு கூட்டத்தவர்களிடம் மட்டும்
ஆலயங்கள் இருந்த நிலை மாறி,
இன்று பெரும் கூட்டம் அங்கு கூடுகிறதே ஏன்?
என்பதற்கான விடையை
அதன் வரலாற்றுப் பின்னணியை அறிந்தவர்களால்
மட்டுமே சொல்ல இயலும்.
அந்த வகையில் என்ன சொன்னாலும்
“சீனியர்” சீனியர்தான்.

ஜூனியர் ஜூனியர்தான்.

உண்மைதான்.

தந்தை பெரியார் இங்கு பிறந்திருக்காவிட்டால்
ஆத்திகம் இந்த அளவிற்கு வளர்ந்திருக்காதுதான்.
கோயிலைச் சுற்றி உள்ள தெருக்களில்
கால் பட்டால் கூட தீட்டாகி விடுமென்று
சொன்னதை நம்பி ஒரு பெரும் கூட்டம்
ஊரைச் சுற்றி வலம் வர…..

”கோபுர தரிசனமே கோடி புண்ணியம்” என்று
அளந்ததைக் கேட்டு இன்னொரு கூட்டம்
கோயிலுக்கு வெளியே வாயைப் பிளந்து பார்த்துக் கொண்டிருக்க…….

”ஆகமத்துக்கு ஆகாது. அப்படியே நில்” என்றதை ஏற்று
கருவறைக்கு வெளியே மற்றொரு கூட்டம்
காத்துக் கிடந்த வேளையில்தான் அந்தக் குரல் ஒலித்தது……..

“ஆண்டவன் படைப்பில் அனைவரும் சமம் என்றால்
இறைத் தலங்களில் மட்டும் ஏனடா இந்தப் பாகுபாடு?”
என்று பெரியாரிடமிருந்து ஓங்கி ஒலித்தது அந்தக் குரல்.

”நட்ட கல்லைத் தெய்வமென்று
நாலுபுட்பம்சாற்றியேசுற்றிவந்து
முணுமுணென்றுசொல்லும் மந்திரம் ஏதடா
நட்ட கல்லும் பேசுமோ
நாதன் உள்ளிருக்கையில்
சுட்ட சட்டி சட்டுவம் கறிச்சுவை அறியுமோ”

என்று சிவவாக்கியர்கள் கரடியாய் கத்தியும்
விழித்தெழாத இந்த சமுதாயம்…….
அந்த ஈரோட்டுக் கிழவன் போட்ட போட்டில்தான்
விழித்துக் கொண்டது.

அவன் ஆத்திகர்களுக்கும் சேர்த்துப் போராடினான்.
சமத்துவமற்ற சமயத் தலங்களை
சனநாயகப் படுத்துவதில் முன்னணி வீரனாய் நின்றான்.

ஆம் தந்தை பெரியார் மட்டும் இல்லாவிட்டால்……..
வைக்கம் நகரத்து வீதிகளில்
ஒடுக்கப்பட்ட ஆத்திகர்கள் நடமாடியிருக்கவே முடியாது.

ஆம் தந்தை பெரியார் மட்டும் இல்லாவிட்டால்……..
கோபுரத்தை மட்டுமே கும்பிட்டுச் சென்றவர்கள்
கோயிலுக்குள் கால் வைத்திருக்க முடியாது.

ஆம் தந்தை பெரியார் மட்டும் இல்லாவிட்டால்……..
”ஆலயங்களில் அனைத்து சாதியினரும்
அர்ச்சகர் ஆகலாம்” என்கிற குரல்
உரக்க எழுந்திருக்க முடியாது.

ஆம் தந்தை பெரியார் மட்டும் இல்லாவிட்டால்……..
பெண்கள் வழிபடுவதற்கே பிரஸ்னம் பார்த்து
குறி சொல்லிக் கொண்டிருக்கும்
”கேரள ஏட்டன்மார்களுக்கு” நடுவே
வழிபடுவது மட்டுமல்ல…..
பெண்கள் வழிபாடே நடத்தலாம் என்கிற
நெத்தியடி மேல்மருவத்தூர் வழிமுறைகள்
தோன்றியிருக்க முடியாது.

தெருநுழைவுப் போராட்டம்……
கோயில் நுழைவுப் போராட்டம்…..
கருவறை நுழைவுப் போராட்டம்……
சாதிபேதமற்ற வழிபாட்டு உரிமைக்கான போராட்டம்………
என எண்ணற்ற போராட்டங்களை
இம்மண்ணில் அவர் நடத்தியிருக்காவிட்டால்
“போங்கப்பா நீங்களும்….. உங்க ஆத்திகமும்” என்று
துண்டை உதறித் தோளில் போட்டு விட்டுப்
போயிருப்பார்கள் பலர்.

எனது முப்பாட்டன் கோயிலுக்குள்
நுழைய முடியாமல் இருந்த நிலை மா(ற்)றி
இன்று எனது தலைமுறை நுழைகிறதென்றால்
அதற்குக் காரணம் அந்தப் பெரியார்தான்.

ஆம்.

பெரியார் நாத்திகர்களுக்கு மட்டுமில்லை

ஆத்திகர்களுக்கும் அவர்தான் தலைவர்.

ஏழைகளுக்கு மட்டும்………..

ஆண்ட்ரியா….
அடச்சே….
.
.
ஆண்டிராயுடு
ஐ போனு
விண்டோசு….
வெச்சுருக்குற ஏழைகளுக்கு மட்டும்
என்னோட பொஸ்தகங்க கெடைக்குமாம்.
.
.
.
அதுக்கு எதையெதையோ டவுன்லோடு வேற செய்யனுமாம்……
.
.
பரம ஏழைகளா…..!
ஏதோ பாத்து பண்ணுங்க…….
http://ebooks.newshunt.com/…/Padithathum-Kizhithath…/b-97083
http://ebooks.newshunt.com/…/Ezhuthuvathellam-Ezhut…/b-97080
http://ebooks.newshunt.com/…/default/Bagiranga-Kadi…/b-89680