வாடிகனுக்குப் போனாலும்…..

சென்னை To கோவை 10.01.2016prayer-warrior
.
போன வேலை முடிந்து ரயில் ஏறினால் கீழ் படுக்கை எனக்கு.
.
பக்கத்தில் இருந்தவர் “எந்த ஊர்?”என்றார்.
கோயமுத்தூருங்க என்றேன்.
.
பல நேரங்களில் கோயம்புத்தூரில் இறங்குவதற்கு பதிலாக கொச்சினில் போய் இறங்கிய சம்பவங்களையெல்லாம் நினைவில் கொண்டு…. ”ஊர் வந்தா கொஞ்சம் எழுப்பிவிடுங்க… நான் மறந்து தூங்கீருவேன்” என்றேன்.
.
”நிச்சயமா பிரதர்” என்றார் அவர்.
.
டிடிஆர் இன்னும் எங்கள் பெட்டிக்கு வரவில்லை.
.
“என்ன பண்ணீட்டு இருக்கீங்க?”
.
எழுத்தாளரா இருக்கேன்…ன்னேன்.
.
எதுல எழுதுவீங்க?
.
குமுதம்…. நக்கீரன்….. விகடன்…. தின செய்தி….. அம்புலிமாமா….ன்னு கெடச்சதுல எல்லாம் எழுதுவேன்….
.
நீங்க படிப்பீங்களா? என்றேன் ஆர்வம் மிகுதியில்.
.
”ஓ படிப்பேன்” என்றார்.
.
எந்த புக்கு? என்றேன்.
.
”வேற என்ன? பைபிள்….தான்” என்றார்.
.
அட சரியாகத்தான் உதவி கேட்டிருக்கிறேன். எழுப்புதல் கூட்டம் நடத்துபவரிடமே என்னை எழுப்பிவிடச் சொல்லி இருக்கிறேன்….
.
வீசிங் இருக்கிறதோ இல்லையோ… ஆனாலும் சும்மானாச்சுக்கும் இந்த இன்ஹேலரை ஒரு அமுக்கு அமுக்கும் பழக்கம் உண்டு. இதைப் பார்த்த பக்கத்து பெர்த் சகோ “உங்க சரீரத்துல பிரச்சனை இருக்கு” என்றார்.
.
இருக்குறதுனாலதான இதை அமுக்குறேன்? என்றேன். காலைல நீங்க எந்திரிக்கறப்போ இந்தப் பிரச்சனை உங்க சரீரத்த விட்டுப் போயிருக்கும் என்றார் கனிவாக.
.
நீங்க எம்.பி.பி.எஸ் எந்தக் காலேஜ்ல முடிச்சீங்க? என்றேன் ஆச்சர்யம் தாளாமல்.
.
நான் டாக்டரில்லை..,… ஆனா உங்குளுக்காக ஜெபிச்சா சரீரம் சரியாகும் என்றது அது.
.
அய்யய்யோ…. மத்தவங்களுக்கு எல்லாம் எதெதுலயோ கண்டம்ன்னா….. நம்முளுக்கு நாக்குல கண்டமாச்சேன்னு பயம் கிளம்பீடுச்சு.
.
”அதுக்கு விசுவாசம் முக்கியம் பிரதர்” என்றார் மீண்டும்.
.
இங்க அவனவன் சுவாசத்துக்கே சிரமப்பட்டுகிட்டு இன்ஹேலர் அடிச்சா இது வேற விசுவாசத்தப் பத்தி வகுப்பெடுக்குதே…. ஒருவேளை அதுக்கும் ஒரு இன்ஹேலர் வந்திருக்கோ என்னவோ….. யார் கண்டது?
.
ஆனாலும் வாயைத் தொறந்தா அப்புறம் நிச்சயமா கொச்சின்தான் என்கிற பயத்தில் தூங்க ஆரம்பித்தேன்.
.
டீ…. காபி…. டீ…. காபி…. சத்தம் கேட்டு எதேச்சையாய் விழித்தால் திருப்பூரில் நிற்கிறது வண்டி. நம்ம “விசுவாசமோ” குறட்டையின் உச்சத்தில்.
.
அய்யா கோயமுத்தூர் வந்திரும் எந்திரிங்க என்று எழுப்பி விட்டேன். அவர் சொன்னது மாதிரியே எனக்குள் ஏதோ ஒரு மாற்றம் இருப்பது போல பிரமை.
போய் மூஞ்சி கழுவி விட்டு வந்து அமர்ந்தார்.
.
“பிரதர் சரீரத்துல ஏதாவது மாற்றம் தெரிஞ்சுதா? என்றார் மறக்காமல்.
.
ஆமாங்க…. என்னவோ ஒரு மாற்றம் தெரியற மாதிரி இருக்கு….
.
”நான் சொன்னனில்ல…. ராத்திரி முழுக்க ஜெபிச்சேன். உங்க சரீரம் குணம் ஆகணும்கிறதுக்காக… அதான்…. அதான்…. பலிச்சுடுச்சு….” உற்சாகத்தில் துள்ளினார் அவர்.
.
என்ன மாற்றம் தெரியுது உங்குளுக்குள்ள… கமான்… சீக்கிரம் சொல்லுங்க பிரதர் என்று பரபரத்தார் மனிதர்.
.
எனக்குள்ள இருந்த வீசிங் போன மாதிரி இருக்கு….. ஆனா….
.
”என்ன ஆனா? கமான் தயங்காம சொல்லுங்க….”
.
அதுக்கு பதிலா கேன்சர் வந்தமாதிரி இருக்கு என்றேன்.
.
வாடிகனுக்குப் போனாலும் வயித்தெரிச்சல் தொலையாது….ங்குறது இதுதான் போலிருக்கிறது.
.
.
(தெருவோரக் குறிப்புகள் – தின செய்தி)

Advertisements

சுவாமி பாமரானந்தா வழங்கும் புத்தாண்டு ஜோதிடம்*.

Boss original
மேஷம் :
தொழில் உச்சத்தில் இருக்கும். பில்கேட்ஸ் போனைப் போட்டு ஆலோசகரா வரமுடியுமா?ன்னு கேட்பார். விடிஞ்சு பாத்தா “என் டெபாசிட்டைத் திருப்பிக் குடு”ன்னு… உங்க வீட்டு வாசல்ல fig1முன்னூறு பேர் நிப்பான். பின்பக்கம் வழியா சுவரேறிக் குதிச்சு மொத்த குடும்பமும் எஸ்கேப் ஆகும். குதிக்கும்போது மறுபுறம் சாக்கடை இருக்கிறதா என்று பார்த்துவிட்டுக் குதிப்பது அருகில் இருப்பவர்கள் சுகாதாரத்துக்கு நல்லது.

ரிஷபம் :
பஸ் ஏறுனா பாக்கெட் அடிப்பானுக. நடந்து போனா நாப்பது நாய் தொறத்தும். கும்பிடப் போனா சிலையே களவு போயிருக்கும். திருட வந்தவன் உங்க நெலமையப் பாத்து பாக்கெட்டுல பத்து ரூபாய Fig2சொருகி வெச்சுட்டுப் போவான். தேர்தல்ல நின்னு எம்.பி. ஆயிரலாம்ன்னு நெனச்சா நாட்டுல தேர்தலையே ரத்து பண்ணி எமெர்ஜென்சி அறிவிச்சிருப்பாங்க. ஏகத்துக்கும் ஏடாகூடமான வருடம்.

மிதுனம் :
தர்மப்பிரபு…ன்னு சொன்னதுல புல்லரிச்சுப் போயி பத்து ரூபாய அசால்ட்டா தட்டுல போட்டுட்டு மீதி ஒம்பது ரூபாய அதே தட்டுல இருந்து துழாவி எடுக்குற மகாபிரபு நீங்க. பதினெட்டு வருசம் முன்னாடி Fig3உங்க கை தவறி தட்டுல விழுந்த அந்த எட்டணாவை இப்ப நெனச்சாலும் ஹார்ட் அட்டாக் வர்றதுக்கு வாய்ப்பு உண்டு. இடுகாடு இல்லேன்னா கிரிமிட்டோரியம் பக்கத்துலயே குடி போயிர்றது எதிர்கால செலவுகளைக் குறைக்க உதவும்.

கடகம் :
உறவுக்காரர்களின் பாசப்பிணைப்பில் ஓகோன்னு இருக்கும் உங்க குடும்பம். விருந்துக்கு வந்தவங்களால வீட்டுல இருந்த அரிசி மூட்டைல இருந்து பண்டிலா வாங்கின தீப்பெட்டி வரைக்கும் காலியாகி ஓட்டலுக்கு ஓடவேண்டி வரும். ஒவ்வொரு நாளும் நாம வீட்டுலதான் இருக்கமா? இல்லFig4 ஏதாவது மெஸ்ஸுக்குள்ள நுழைஞ்சிட்டமான்னு உங்குளுக்கே சந்தேகம் வரும். இதுக்கான ஒரே பரிகாரம் அமேசானோட அடர்ந்த காடுகள் பக்கமோ…. இல்லன்னா சகாரா பாலைவனம் பக்கமோ வீடு வாடகைக்குப் பாத்துப்போயிடறது உத்தமமான காரியம்.

சிம்மம் :
கவனமாகச் செயல்பட வேண்டிய தருணம். ”ஆறுமாசம் முன்னாடி வாங்குன அந்த முன்னூறு ரூபாயை எப்ப சார் குடுக்கப் போறீங்க?ன்னு மூவாயிரம் பேர் மத்தீல கேட்பார் கடைநிலை ஊழியர். Fig5கோபம் கொந்தளிச்சு வந்தாலும் வாயே திறக்காமல் இருப்பது நல்லது. நாம லோன் வாங்காதது இன்னும் உலக வங்கி கிட்ட மட்டும்தான்னு ஊருக்கே தெரியும். அதுனால அடக்கி வாசிக்கிறது ஒடம்புக்கு நல்லது.

கன்னி :
எழுத்தாளர்களுக்கு இது எக்குத்தப்பான காலகட்டம். விலைவாசி உயர்வு, பொருளாதார சிக்கல் பத்தி எல்லாம் புக்கு போட்ட பதிப்பாளர்க மாத்தி மாத்தி உங்க கட்டுரைகளுக்கு செக்குகளா அனுப்பித் தள்ளுவாங்க. ராயல்டியா வந்த செக்குகள்ல எந்தச் செக்கை முதல்ல டெபாசிட் பண்றதுங்குற குழப்பத்துல தலை லேசா சுத்தற மாதிரி இருக்கும். பயந்து போய் டாக்டர்கிட்ட போனா…”அதிர்ச்சீலFig6 ரத்தம் கிளாட் ஆயிருச்சு ஒரு சின்ன ஆபரேஷன்தான்”ன்னு ஆட்டையப் போடுவாரு டாக்டரு. டிஸ்சார்ஜ் ஆகி வீடு வர்றப்போ பதிமூணுல பன்னெண்டு செக் பவுன்ஸ் ஆகி இருக்கும். ஸ்ட்ராங் டீயோ…. லைட் டீயோ…. தான் குடுப்பினை உங்குளுக்கு. ராயல்டிக்கு எல்லாம் Chance ஏ இல்ல.

துலாம் :
குடும்பத்தில் குதூகலம் கொப்பளிக்கும். மாமனார் வாங்கி வந்த பிஸி பிஸி பேலாவை உற்றுப்பார்த்தால் மைக்ராஸ்கோப் இல்லாமயே புழு நெளிவது தெரியும். பாச மிகுதியில் மச்சினன் Fig7வாங்கி வரும் பூந்தியில் சற்று கவனமாக இருப்பது நல்லது. இல்லாவிடில் அது உள்ளே போய் காட்டு காட்டுன்னு காட்டுற வேலையில் ஏழெட்டு நாளைக்கு பாத்ரூமில இருந்து வெளிய வர முடியாது. எதுக்கும் கையிலேயே லொமோட்டில் மாத்திரையை வைத்துக் கொள்வது நல்லது.

விருச்சிகம் :
நேரம் தவறாமை மிக முக்கியம். செவ்வாய் இரவு கிளம்பும் டிரெயினுக்கு ஞாயிறு இரவே ஸ்டேஷன் போய் விடுவது நல்லது. வீட்டில் இருப்பவர்கள் இந்த இரண்டு நாட்களாவது சந்தோஷமாக இருப்பார்கள். சுனாமியே வந்து மக்கள் சுண்ணாம்பாய் போனாலும் ”சம்பளக் கமிஷன் அர்ரியர்ஸ் ஏப்ரலுக்குள்ளயாவது வருமா?”ன்னு நாலு லட்சம் பேர் கிட்டயாவது கேட்கிற ஜாதி நீங்க. வெளிவாசல்Fig8 பூட்டை இருபத்தி ஏழு தடவை இழுத்துப் பாத்துட்டு பின் வாசல் கதவை திருட வசதியா திறந்து வைத்துவிட்டே வந்திருப்பீர்கள். அம்புட்டு பர்பெக்ட்டையும் மொத்தமா வெள்ளம் வந்து அள்ளீட்டுப் போயிரும். காலத்துக்கும் உங்குளுக்கு காலண்டர்லதான் கண்டம்.

தனுசு :
சாதி சங்க கூட்டத்துல வீர உரை ஆற்றீட்டு வீட்டுக்குள்ள நுழையறப்போ உங்க மகனோ மகளோ லெட்டர் எழுதி வெச்சுட்டு யாருடனாவது எஸ்கேப் ஆகியிருப்பாங்க. ஹார்ட் அட்டாக்குக்கு அட்மிட் ஆனாலும் டாக்டர் கிட்டயே ”நீங்க நம்மாளுங்களா டாக்டர்?”ன்னு கேக்குற புத்தி மட்டும் மாறவே drowning-manமாறாது. காப்பாத்தீரலாம்ன்னு நெனைக்குற டாக்டருக்குக் கூட போஸ்ட் மார்ட்டம் ரூமுக்குப் போனைப் போடலாம்ன்னு தோணும். தண்ணீல சிக்கி தாறுமாறா தத்தளிச்சுகிட்டு இருந்தாலும் காப்பாத்த கை நீட்டறவன் கிட்ட “தமிழனா? தெலுங்கனா?”ன்னு விசாரிப்பீங்க. கைதூக்கி விட வந்தவன்கூட கடுப்புல கல்லைத் தூக்கித் தலைல போட்டுட்டுப் போவான். தூங்கறப்போகூட வாயைக் கட்டீட்டுத் தூங்கறது உசுருக்கு உத்தரவாதம் தரும்.

மகரம் :
வாரிசுகளிடம் எச்சரிக்கையாய் இருப்பது மிக முக்கியம். பேங்க்குல இருக்குற பணத்துல ஒத்த ரூபா கூட மிச்சம் வைக்காம எடுத்துட்டு வந்து வீட்டுக்குப் பின் பக்கம் புதைச்சு வைக்கிறது நல்லது. மகனோ மகளோ…..”வாரிசுச் சான்றிதழும், டெத் சர்டிபிகேட்டும் சுமாரா எத்தனை நாளுக்குள்ள Fig10கெடைக்கும்?”ன்னு ஏற்கெனவே கேட்டு வெச்சிருப்பாங்க. So… எதற்கும் தலையணைக்கு அடியில் கத்தியோ, கடப்பாரையோ வைத்துக் கொள்வது நல்லது. அரசியலில் இருப்பவர்கள் தலைகாணி கூட இல்லாமல் அறையைத் தாழ்போட்டுகிட்டு தனியா தூங்கறது மிக நல்லது.

கும்பம் :
மங்குனி மேனேஜர் மொக்கை ஜோக் அடித்தாலும் விழுந்து விழுந்து சிரிக்கவும். காய்கறி வாங்குவதில் இருந்து ஜிப்பு போட்டு விடுவது வரைக்கும் கண்ணும் கருத்துமாய் கவனித்துக் கொள்வது நல்லது. Bossபதவி உயர்வு பட்டியலில் உங்கள் பெயரும் சேர்க்கப்படுவது அப்போதுதான் சாத்தியமாகும். கொஞ்சம் கவனக்குறைவாய் இருந்தாலும் கதை கந்தல்தான். அப்புறம் உங்களுக்கு முன்னால் லிஸ்டில் இருக்கும் ஏழுபேரும் டூர் போகும்பாது மொத்தமாய் மண்டையைப் போட்டால்தான் உங்குளுக்கு பிரமோஷன். இல்லாட்டி வெறும் மோஷன்தான். மேனேஜர் வழிபாடு கரை சேர்க்கும்.

மீனம் :Family
மகன் பேஸ்புக் பார்க்கிறானா? மகள் டுவிட்டரே கதீன்னு கிடக்கிறாளா? அம்மாவும், மாமியாரும் சீரியல்ல சிக்கி சின்னாபின்னப் பட்டுகிட்டு இருக்காங்களா? வாழ்க்கைத் துணை Chatல கடலையா? எவரிடமும் வாக்குவாதம் செய்யாதீர்கள். அப்புறம் பழனி படிக்கட்டோ இல்ல நாகூர் தர்கா வாசலோ…தான் துணை. நாக்கில் நர்த்தனம் ஆடும் சனி. முடிந்தால் 108 க்கு ஒரு போனைப் போட்டுவிட்டு ஒரு சின்ன ஆக்சா பிளேடால் நாக்கை மொத்தமாய் வெட்டி எடுத்து விடுவது வாழ்வை சிறப்பாக்கும்.
.
.
(தெருவோரக் குறிப்புகள் – தின செய்தி நாளிதழ்)