வாடிகனுக்குப் போனாலும்…..

சென்னை To கோவை 10.01.2016prayer-warrior
.
போன வேலை முடிந்து ரயில் ஏறினால் கீழ் படுக்கை எனக்கு.
.
பக்கத்தில் இருந்தவர் “எந்த ஊர்?”என்றார்.
கோயமுத்தூருங்க என்றேன்.
.
பல நேரங்களில் கோயம்புத்தூரில் இறங்குவதற்கு பதிலாக கொச்சினில் போய் இறங்கிய சம்பவங்களையெல்லாம் நினைவில் கொண்டு…. ”ஊர் வந்தா கொஞ்சம் எழுப்பிவிடுங்க… நான் மறந்து தூங்கீருவேன்” என்றேன்.
.
”நிச்சயமா பிரதர்” என்றார் அவர்.
.
டிடிஆர் இன்னும் எங்கள் பெட்டிக்கு வரவில்லை.
.
“என்ன பண்ணீட்டு இருக்கீங்க?”
.
எழுத்தாளரா இருக்கேன்…ன்னேன்.
.
எதுல எழுதுவீங்க?
.
குமுதம்…. நக்கீரன்….. விகடன்…. தின செய்தி….. அம்புலிமாமா….ன்னு கெடச்சதுல எல்லாம் எழுதுவேன்….
.
நீங்க படிப்பீங்களா? என்றேன் ஆர்வம் மிகுதியில்.
.
”ஓ படிப்பேன்” என்றார்.
.
எந்த புக்கு? என்றேன்.
.
”வேற என்ன? பைபிள்….தான்” என்றார்.
.
அட சரியாகத்தான் உதவி கேட்டிருக்கிறேன். எழுப்புதல் கூட்டம் நடத்துபவரிடமே என்னை எழுப்பிவிடச் சொல்லி இருக்கிறேன்….
.
வீசிங் இருக்கிறதோ இல்லையோ… ஆனாலும் சும்மானாச்சுக்கும் இந்த இன்ஹேலரை ஒரு அமுக்கு அமுக்கும் பழக்கம் உண்டு. இதைப் பார்த்த பக்கத்து பெர்த் சகோ “உங்க சரீரத்துல பிரச்சனை இருக்கு” என்றார்.
.
இருக்குறதுனாலதான இதை அமுக்குறேன்? என்றேன். காலைல நீங்க எந்திரிக்கறப்போ இந்தப் பிரச்சனை உங்க சரீரத்த விட்டுப் போயிருக்கும் என்றார் கனிவாக.
.
நீங்க எம்.பி.பி.எஸ் எந்தக் காலேஜ்ல முடிச்சீங்க? என்றேன் ஆச்சர்யம் தாளாமல்.
.
நான் டாக்டரில்லை..,… ஆனா உங்குளுக்காக ஜெபிச்சா சரீரம் சரியாகும் என்றது அது.
.
அய்யய்யோ…. மத்தவங்களுக்கு எல்லாம் எதெதுலயோ கண்டம்ன்னா….. நம்முளுக்கு நாக்குல கண்டமாச்சேன்னு பயம் கிளம்பீடுச்சு.
.
”அதுக்கு விசுவாசம் முக்கியம் பிரதர்” என்றார் மீண்டும்.
.
இங்க அவனவன் சுவாசத்துக்கே சிரமப்பட்டுகிட்டு இன்ஹேலர் அடிச்சா இது வேற விசுவாசத்தப் பத்தி வகுப்பெடுக்குதே…. ஒருவேளை அதுக்கும் ஒரு இன்ஹேலர் வந்திருக்கோ என்னவோ….. யார் கண்டது?
.
ஆனாலும் வாயைத் தொறந்தா அப்புறம் நிச்சயமா கொச்சின்தான் என்கிற பயத்தில் தூங்க ஆரம்பித்தேன்.
.
டீ…. காபி…. டீ…. காபி…. சத்தம் கேட்டு எதேச்சையாய் விழித்தால் திருப்பூரில் நிற்கிறது வண்டி. நம்ம “விசுவாசமோ” குறட்டையின் உச்சத்தில்.
.
அய்யா கோயமுத்தூர் வந்திரும் எந்திரிங்க என்று எழுப்பி விட்டேன். அவர் சொன்னது மாதிரியே எனக்குள் ஏதோ ஒரு மாற்றம் இருப்பது போல பிரமை.
போய் மூஞ்சி கழுவி விட்டு வந்து அமர்ந்தார்.
.
“பிரதர் சரீரத்துல ஏதாவது மாற்றம் தெரிஞ்சுதா? என்றார் மறக்காமல்.
.
ஆமாங்க…. என்னவோ ஒரு மாற்றம் தெரியற மாதிரி இருக்கு….
.
”நான் சொன்னனில்ல…. ராத்திரி முழுக்க ஜெபிச்சேன். உங்க சரீரம் குணம் ஆகணும்கிறதுக்காக… அதான்…. அதான்…. பலிச்சுடுச்சு….” உற்சாகத்தில் துள்ளினார் அவர்.
.
என்ன மாற்றம் தெரியுது உங்குளுக்குள்ள… கமான்… சீக்கிரம் சொல்லுங்க பிரதர் என்று பரபரத்தார் மனிதர்.
.
எனக்குள்ள இருந்த வீசிங் போன மாதிரி இருக்கு….. ஆனா….
.
”என்ன ஆனா? கமான் தயங்காம சொல்லுங்க….”
.
அதுக்கு பதிலா கேன்சர் வந்தமாதிரி இருக்கு என்றேன்.
.
வாடிகனுக்குப் போனாலும் வயித்தெரிச்சல் தொலையாது….ங்குறது இதுதான் போலிருக்கிறது.
.
.
(தெருவோரக் குறிப்புகள் – தின செய்தி)

Advertisements

2 thoughts on “வாடிகனுக்குப் போனாலும்…..

  1. அய்யா!! உங்களது அற்புதமான விசாரணை பட பாராட்டு விழா பேச்சை கேட்டேன். மிகவும் சிறப்பு . உங்களை பற்றி இணைய தளத்தில் தேடி கண்டுபிடித்தேன். உங்களது இந்த blog உம் அசத்தல்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s