இந்த ராதா கிச்சுலயும் வெங்காயம் வைக்கல….

radha2
நடிகை ராதாவின் பரமரசிகன் நான்.
அவரது ஒவ்வொரு படங்களையும்
கண்டு மெய்சிலிர்த்திருக்கிறேன் நான்.
.
ஆனால்….
சமீபகாலமாக அவர் படும்பாடு
சொல்லி மாளாதது.
அவர் படும் துயரம் என் கண்களில் இருந்து
தாரை தாரையாக கண்ணீரை வழிய வைக்கிறது.
.
“என் கணவரை அபகரிச்சிட்டார் ராதா….
மீட்டுக் குடுங்க என் மணாளனை”ன்னு
உமாதேவின்னு ஒரு பொண்ணு புகார் குடுக்க….
.
“அவுரும் நானும் சின்னவயசுல
குண்டு விளையாடுற காலத்துல
இருந்தே பழக்கம்.
அதைத் தப்பா புருஞ்சுகிட்டு
புகார் குடுத்துடுச்சு அந்தப் பெண்.
.
இதுக்குக் காரணம்
நான் புழல் சிறையில் ஏழு ஆண்டுகள்
சேர்ந்து வாழ்ந்த அடச்சே….
என்னோடு ஏழு ஆண்டுகள் சேர்ந்து வாழ்ந்து
இப்போது புழல் சிறையில் இருக்கும்
தொழில் அதிபர்தான்.
அவர் தூண்டிவிட்டுத்தான் இந்தப் புகாரைக்
கொடுத்திருக்கிறார் உமா.” என்று
நடிகை ராதா பதிலடி கொடுத்தார்.
.
அத்தோடு நிற்காமல் நெத்தியடியாய்
இன்னொன்றையும் சொன்னார்
என் அபிமானத் தாரகை ராதா.
.
“அவர் கணவரை அபகரித்து
வைத்துக் கொள்ளும் அளவுக்கு
அவர் முகேஷ் அம்பானியும் அல்ல.
அவரை நான் காதலிக்கும் அளவுக்கு,
அவர் பெரிய மன்மதனும் அல்ல.” என்று.
.
அவர் படும் பாட்டைப் பார்த்து
பத்து நாளா சோறு தண்ணிகூட
உள்ள இறங்காம தவிக்கிறதப் பார்த்துட்டு
”கலாரசனையத்த கந்தன்”…தான் கேட்டான்.

“உனக்கு என்னப்பா பிரச்சனை?”ன்னு.
.
இப்புடி இப்புடி…ன்னு விலாவாரியாச் சொன்னா…
.
இப்ப இதுவாயா தலையாய
பிரச்சனைங்குறான் அந்தக் கூறுகெட்டவன்.
.
“ஏம்ப்பா கந்தா…
எம்மாம் பெரிய நடிகை அவுங்க….
நான் கொழந்தையா இருக்குறப்போ
வந்த ”அலைகள் ஓய்வதில்லை” படத்துல
ஸ்கூலுக்குப் போகாம இருக்குறதுக்காக
இவுங்குளும் கார்த்திக்கும்
கிச்சுல வெங்காயத்தை வெச்சுகிட்டு
பரண்ல படுத்திருப்பாங்களே
காய்ச்சல் வர்றதுக்காக.

அந்த சீனைப் பார்த்தே
காய்ச்சல்ல படுத்தவன்யா நானு.

அதுவுமில்லாம நம்ம தலைவர் மணிவண்ணன்
படத்துலகூட….
”உன் புருசன்ந்தான்….
ஒனக்கு மட்டும்தான்”ன்னு பாட்டுப்பாடி
புருசனையே ஒப்படைச்சவங்கய்யா
நம்ம ராதா.
radha1
சினிமாவுலயே அடுத்தவங்க புருசனை
அபகரிக்க மனசு வராதவங்க
எப்படிப்பா நெசவாழ்க்கைல
இப்படிப் பண்ணுவாங்க?”ன்னு… குமுறித் தீர்த்தா….
.
கொலை வெறில நிக்குறான்
”கலாரசனையத்த கந்தன்.”
.
”யோவ் லூசு….
இந்த ராதா கிச்சுலயும் வெங்காயம் வைக்கல….

டிச்சுலயும் வெங்காயம் வைக்கல…

நீ சொல்ற ராதா
பேரன் பேத்தியோட
நல்லா இருக்காங்க.

அம்பிகாவோட தங்கச்சி ராதாவ சொல்ற நீ.
இது சுந்தரா டிராவல்ஸ் ராதா….

புரிஞ்சுதா….
உன்னமாதிரி துப்புக்கெட்டவன் எல்லாம்
சினிமா விமர்சனம் பண்ண வந்தா
இப்படித்தான் இருக்கும் பொழப்பு….”ன்னு
காரித் துப்புறான்.
.
.
ஓ…..
சாரி….
நாமதான் கொஞ்சம் அப்டேட் பண்ணிக்காம
விட்டுட்டமோ?
.
.
radha-latest
( “டுபாக்கூர் பக்கங்கள்.” குமுதம் வார இதழ் )

சாகவாவது விடுங்கப்பா…

Declaration
===========
Hereafter I’m not going to
write or speak in Tamil.
If I begin to talk with somebody they just say…
.
“yeah… this is from that movie or this movie….”.
.
These guys are totally irritating me
by comparing my words with
some Tamil movies.
.
How can one Tamil writer tolerate or digest
these kind of rubbish behaviors.
So I decided to stop writing in Tamil.
===============
ajith
.
பின்ன என்னங்க…
.
எவன் கிட்டயும் ஒரு வார்த்தை
வாயத் தெறந்து பேசமுடியல.
எதச் சொன்னாலும் சினிமாவுலயே போயி
நிக்குறானுக கெரகம் புடிச்சவனுக.
surya
.
”சிறப்பு…..”ன்னா
“அப்பா” சமுத்திரக்கனியா?ங்குறான்….
.
”மகிழ்ச்சி…”ன்னா
“கபாலி” ரஜினியா?ங்குறான்….
.
”நன்றி தோழர்…”ன்னா
ஜோக்கரா?ங்குறான்….
.
ச்சே…. முடியல.
hitslink.blogspot.com
.
.
மொட்டையடிச்சா
“சேது” மாதிரிங்குறான்….
.
ஒட்ட வெட்டுனா
“காக்க காக்க” மாதிரிங்குறான்….
.
ஷேவ் பண்ண காசில்லாமச்
சுத்துனாலும்
“உங்க சால்ட் அண்ட் பெப்பர் லுக்கு
சூப்பரூ…”ங்குறான்….
.
பிச்சை எடுக்கப்போனா கூட
“நான் கடவுள்”ல வர்ற மாதிரியே
இருக்கூ…”ங்குறான்.
.
kapali
.

யப்பா சாமிகளா….
எங்கள வாழத்தான் விடல….
நிம்மதியா சாகவாவது விடுங்கப்பா…..
அப்புறம் அதுக்கும்
அந்தப் படத்துல செத்த மாதிரியே செத்தான்…ன்னு
சொல்லீராதீங்க

.
naan-kadavul
கொஞ்சம் உட்டா
”திருவள்ளுவரையே நாங்கதான்
அறிமுகப்படுத்துனோம்”ன்னு
இந்தக் கோடம்பாக்கம் பக்கீஸ்
சொல்லுங்க போலிருக்கே.?
.
No… This is too bad.
.
.
( “டுபாக்கூர் பக்கங்கள்” குமுதம் வார இதழ்)

எனக்கு செல்போனில் கண்டம்….

Muruganandam
எல்லோருக்கும் எதில் எதிலோ கண்டமென்றால்
எனக்கு செல்போனில் கண்டம்.
.
அதிலும் கட்டுரை அனுப்ப வேண்டிய நாள் என்றால்
செல்போனை அணைத்துவிட்டு
எங்காவது குகைகளைத் தேடி
ஓடி ஒளியவேண்டி இருக்கிறது.
.
இல்லாவிட்டால் எங்கிருந்தோ வரும் அழைப்பு.
“எங்க இருக்கீங்க?”ன்னு.
இருக்கும் இடத்தைச் சொன்னாலோ
தொலைந்தோம்.
.
”அங்கியே இருங்க உங்களப் பார்க்கத்தான்
வந்துகிட்டு இருக்கோம்”ன்னு பதில் வரும்.

அப்புறம் கட்டுரையாவது…..
வெங்காயமாவது…..
இதற்கிடையில் ரத்தக்கொதிப்போடு ஜனனம்
ஆசிரியர்வேறு நம்ம ஒலக மகா கட்டுரை
மெயிலில் வருகிறதா என்று
வாயைப் பிளந்து பார்த்துக் கொண்டிருப்பார்.
.
நண்பர்கள் வந்துவிட்டார்கள் என்றால்
அப்புறம் மெயிலாவது….
மயிலாவது….
அப்படித்தான் இன்றும்.
.
ஆனால் இன்றைய விருந்தினர்களோ
தவிர்க்கமுடியாதவர்கள்.
.
.
தவிர்க்க முடியாத நண்பர் ஒன்று:
==================================
முதலில் வந்த நண்பர் ஓர் அற்புதமான ஆய்வாளர்.
முனைவர் திருநீலகண்டன்.
திருநெல்வேலியில் உள்ள “மதுரை திரவியம் தாயுமானவர்
இந்துக் கல்லூரி”யில் பேராசிரியர்.

அவர் பேசப் பேச ஒவ்வொன்றும்
புதிய புதிய தகவல்களாக வந்து விழும்.

அவரது பேச்சுக்கு ஒரு சின்ன விளம்பர இடைவேளை
விட்டு ஆசிரியரை அழைத்து
”இன்றைக்கு கட்டுரை கிடைக்க ரெண்டு மணியாயிரும்”ன்னு
கொதிப்பைக் குறைத்தேன்.
.
முனைவர் நீலகண்டன் கி.மு.ஒன்றாம் நூற்றாண்டில்
ஒரிசாவில் கிடைத்த ஹதிகும்பா கல்வெட்டு
குறித்து கதைக்க ஆரம்பித்தார்.

அவர் சொன்ன தகவல்களைக் கேட்டு
ஆச்சர்யத்தில் உறைந்து போனேன்.
(ஆமா… இந்த ”றை” கரெக்ட்டா….
இல்ல இந்த “ரை” போடணுமா?ன்னு
நீங்களே முடிவு பண்ணிக்குங்க)
.
சுமார் 113 ஆண்டுகள் தங்களை அச்சுறுத்திய
தமிழ் மன்னர்களது கூட்டமைப்பைப்
பற்றிப் பேசுகிறதாம் அந்தக் கல்வெட்டு.
லிபி மொழியில் எழுதப்பட்டிருந்தாலும்
அந்தக் கோண்டு இன மக்களும்
திராவிடர்கள்தான் என்றார் ஆய்வாளர்.
.
அட அங்கெங்கீங்க இருக்காங்க
திராவிடர்கள்? என்றேன்.

“இன்னொன்னு தெரியுமா….
மத்தியப் பிரதேசத்துல இராவணனை வழிபடும் மக்கள்
இன்னமும் இருக்கிறார்கள்.
அவருக்குக் கோயில்கூட இருக்கிறது.” என்று
மேலும் ஆச்சர்யத்தினை ஊட்டினார்.
.
அப்படீன்னா….
திருஞானசம்பந்தரை “திராவிட சிசு”
என்றாரே சங்கரர்? என்றேன்.
.
அவர் தமிழில் எழுதியதாலேயே
அவரை ”திராவிட” என்றழைத்தார்கள் என்று
மேலும் போட்டுத்தாக்கினார்.

இரண்டாவது முறையாக தேநீர் வைத்துக் கொண்டு
வந்து கொடுத்தான் நண்பன் மயூர்.
.
” ’வேதம் பகுவிதம்….
அதில் திராவிட வேதமும் ஒன்று’……
.
மிகச் சிறந்த ஆய்வாளரான நம்ம
தொ.பரமசிவன் அடிக்கடி சொல்வாரே….
இந்துன்னு நம்பிகிட்டிருக்குற
நூத்துல தொண்ணூறு பேருக்கு
உண்மையில மதம் கிடையாது.

சாமி கும்புடுவான்….
வழிபாடு நடத்துவான்….
ஆனா சமயம்கிற சட்டகத்துக்குள்ள
அடங்கமாட்டான்.
.
த்ரமிளம் என்பதுதான்
பிற்பாடு தமிழ்…
தமிழம்….
த்ராவிடம் என்று திரிந்திருக்கிறது.

இந்த உண்மையை இன்றைக்கு
மலையாளியோ…
தெலுங்கனோ….
கன்னடனோ ஒத்துக் கொள்ளாமல் போகலாம்.

ஆனால்…. என்றைக்கு அவர்களுக்கு
இந்தியாலும் இன்னபிற சமாச்சாரங்களாலும்
ஆபத்து உச்சத்தில் வந்து நிற்கிறதோ
அன்றைக்குத்தான் நம்மைத் திரும்பிப் பார்ப்பான்.
அப்போதுதான் நம்மருகே வந்து நிற்பான்.
.
அதுவரைக்கும் இந்த “திராவிடர்” என்கிற அகல் விளக்கை
அழியாமல் பார்த்துக் கொள்ளவேண்டிய பொறுப்பு
நம் தமிழர்களுக்கு இருக்கிறது.” என்று
தங்கு தடையில்லாமல் வந்து விழுந்த
சொல்லருவியில் திக்குமுக்காடிப் போனேன்.
.
அய்யோ இந்த ஜென்மம்….
ச்சே…. ஜனனம் எடிட்டர் வேறு
பரபரப்பில் இருப்பாரே என்று
செல்போனில் மணி பார்த்தேன்.
.
”இப்படிப் பேச நாள்கணக்கில் விஷயம் இருக்கிறது.
இன்னொரு முறை நிம்மதியாப் பேசுவோம்…” என்று
கிளம்பியவரை வழியனுப்பப் போனால்
வாசலில் அடுத்த ஆள்.
Thiruneelakandan
.
.
தவிர்க்க முடியாத நண்பர் இரண்டு:
=====================================
அது : நண்பன் வீணை மைந்தன்.

என் அன்புத் தோழர் மணிவண்ணனால்
அறிமுகமான தம்பி.
அவரது நாகராஜ சோழன் எம்.ஏ., எம்.எல்.ஏ. படத்தின்
துணை இயக்குநர்.

தனது தங்கை லின்ஸியின் திருமண
அழைப்பிதழைக் கொடுப்பதற்காக வந்திருந்தான்.
அழைப்பிதழைப் பிரித்த எனக்கு
அங்கேயும் ஒரு ஆச்சர்யம் காத்திருந்தது.
.
சாதி மறுப்பு… மத மறுப்பு…. என்பதோடு
இனக்கலப்பு என்கிற மற்றுமொரு செய்தியையும்
அந்த அழைப்பிதழ் சுமந்து வந்திருந்தது.
“என் கல்யாணத்துக்கும் வரல…
பொண்ணு பொறந்ததுக்கும் வரல…
இதுக்காவது வருவியா தலைவா?” என்றான்
கடுப்புடன் வீணை.
.
”சாதி மறுப்பு… மத மறுப்பு…ன்னு சொல்லீட்டே
வராம இருப்பனா?” என்றேன்.
.
மீண்டும் ஒரு தேநீர் வந்து சேர
எனக்கு மீண்டும் கட்டுரை எழுத
வேண்டிய ஞாபகம் வந்தது.

பேச்சு அப்படியே சினிமா பக்கம் திரும்பியது.
“கபாலி பாத்தியா தலைவா?” என்றான்.

”நான் கடைசியாய் பார்த்த
ரஜினி படம் படையப்பா” என்றேன்.

மூணு வருஷம் முன்னாடி வந்த
”இதற்காகத்தான் ஆசைப்பட்டாயா பாலகுமாரா”
படத்தையே போனமாசம்தான் பார்த்தேன்.
செம சூப்பரா இருந்துச்சு என்றேன்.

எனது அபாரமான சுறுசுறுப்பை மனதுக்குள் மெச்சியபடி…..
.
”சரி என் பொண்ணு காலேஜ்ஜுல
சேர்றதுக்குள்ள வந்து பாத்துருவீங்கல்ல…”
என்றான் தம்பி நக்கலாக.
.
”வீணை அந்தப்படத்துல வர்ற….

”ப்ரெண்டு….

லவ் ஃபெயிலியரு…

ஃபீல் ஆயிட்டாப்பல….

ஹாஃப் அடிச்சா போதும்…

கூல் ஆயிருவாப்பல….”ன்னு வர்ற சீனை
எத்தனை முறை பார்த்தாலும்
சலிக்காது போலிருக்கே…” என்றேன்.

“அந்த சீன்ல நடிச்ச நண்பன்கூட
பேசறீங்களாண்ணே….?” என்றபடி
இங்கிருந்தே போனைப் போட்டான் வீணை.
.
அந்த முனையில் பேசியதோ…..

“வாங்க ஜி…..

வாங்க ஜி….

அப்டியே காதுக்குள்ள உங்க வாய வெச்சு
ஃபிரெஷ்ஷா இன்னொரு தடவ சொல்லுங்க ஜி”

என்று படத்தில் தூள் கிளப்பிய முருகானந்தம்.
.
2013ல வந்த படத்துக்கு 2016 ல பாராட்டுகிற
ஒரே ஆள் நானாகத்தான் இருக்கும் என்று சொல்லி
படத்தையும் அவரையும் மனம் திறந்து பாராட்டினேன்.

புதிய படம் ஒன்றை விரைவில்
இயக்குகிறாராம் முருகானந்தம்.
மனமார்ந்த வாழ்த்துக்களைச் சொல்லிவிட்டு
அலைபேசியை நண்பனிடம் கொடுத்து விட்டு
மணியைப் பார்த்தேன்.
.
மதியம் 3.30.
.
.
இந்நேரம் உலகில் உள்ள
சகல கெட்டவார்த்தைகளையும் சேர்த்து
என்னைத் திட்டிக்கொண்டிருக்கலாம்
நீங்கள் படித்துக் கொண்டிருக்கும்
இந்தப் பத்திரிக்கையின் ஆசிரியர்.
.
என்ன செய்ய?
.
நான் ஏற்கெனவே சொன்னபடி
எல்லோருக்கும் எதில் எதிலோ கண்டமென்றால்
எனக்கு செல்போனில் கண்டம்.
.
.
அப்ப…
நான் உத்தரவு வாங்கிகிட்டுங்களா…..?
.
.
( “ஒரு தற்குறியின் நாட்குறிப்புகள்” ஜனனம் வார இதழ் )